raaste naa jaane kitne hi kyu naa honge...

raaste naa jaane kitne hi kyu naa honge... 
lekin chalna to mujhe ek pe hai.... 
manjil maana dur hi kyu naa honge .... 
maana halke ya jyada thake huye bhi honge.... 
to kya hua, badna to mujhe theek se hai....
chanchalta mein dube bhale kyu naa honge... 
lekin rehna to mujhe theek se hai... 
mushkilo se raaste bharpoor bhale honge... 
magar dhandhas(himmat) bhandna mujhe theek se hai...
hasi aur khushi ke mauko bhi anek honge...
hasna mujhe khub jor se hai...
dukh ke badal agar chaatey ya aatey bhi honge...
to dara ke bhagana unhe khub jor se hai...

raaste naa jaane kitne hi kyu naa honge...
lekin chalna to mujhe ke pe hai.....

itna shor yu hai

itna shor yu hai ... ki khud ki awaaj halki sunaayi deti hai..
itna kohra kyu hai.... khud ki tasveer dhundli dikhaayi deti hai...
manjil itni dur kyu hai .... ki safar lambi dikhaayi deti hai... 
kahne to bahut kuch hai... par awaaj kaha sunaayi deti hai.... 
bunne ko to khwab bahut hai... par pura karle ye umeed kaha dikhayi deti hai...

yuhi chalte chalte...

yuhi chalte chalte... 
naa jaane kab badal gaye raaste...
naa jaane kis ke vaaste...
yuhi chalte chalaate... 
yuhi milte milaate.... 
humrahi badal gaye ...
naa jaane kab murte muraate... 
haste rulaate... 
rukte rukaate...
sunte sunaate...
gaatey gawaatey...

naa jaane kab se chal rahe hai ...wo bhi rukte rukaate...
and kaun si manjil ke vaaste!!!

ishaare bolti hai....

ishaare bolti hai.... 
sabdo se jyada ya kam ye to pata nahi... 
par ishaare bolti hai.... 
jara gaur kijiega....
busy kitna bhi ho... magar ignore mat kijiyega.... 
ishaare bolti hai.... 

ankhoien se kah dene ki kala sab mein nahi...
to samjhle har koi aisa bhi to nahi...
lekin koshish karne mein bhi to koi harz nahi...
ishaare bolti hai...
jara dhyan dijiyega...

sabd ke abhaav mein badi kaam aati hai...
ishaarein bin kahe bahut kuch kah jaati hai...
waqt ki kami ko bhi dur bhagati hai...
mukhauto se parda uthaati hai...
sach kahoo.... ishaare bolti hai...

sabdo se jyada ya kam ye to pata nahi...
par ishaare bolti hai... !!!!!

khayalo ke sahaare hi...

khayalo ke sahaare hi... 
galio ke kinaare hi.... 
milte bhichadte hai log bhi... 
kabhi kahi kabhi kahi....

lagta hai aisa hi... 
pata nahi... 
kya galat kahi... 
kya sahi.... !!!!

galtia karne par har baar sochta hun...

galtia karne par har baar sochta hun... 
kal sudhar jaayenge.... 
ye galtia ek baar huyi isey dobara to hargij naa dohraayenge... 
par naa jaane wo kal kab aayenge... 
naa jaane kab hum sudhar paaayenge.... !!!
ya yuhi taalte taalte sadio lag jaayenge... !!!
adat hai itni jaldi thode naa badal paayenge... !!!
phir kal sayad waaisey hi galtia dohraayenge... 
bahane roj roj nayi kaha se laayenge...
apne ko badalne ki taqat nahi... waqt aur alam ko kya khaak badal paayenge... !!!
umeed ki kiran thodi si kal par tiki hai...
hope wo kahi bhi chupa ho.... usey dhoond kar jarur layenge... !!!!

hasrato.. ke vaaste badali nahi jaati jindagi.....

hasrato.. ke vaaste badali nahi jaati jindagi.....
jindagi badal deti hai hasrate aur adaatein......
kya sikhaati kya bhulaati.... 
apne ishaaro pe nachaaati jindagi... 
naa jaane kitne nakhre batiyaati jindagi... !!!

raaste mushkil ho yaa asaan .... 
akela ho safar yaa ho saara jahaan.... 
ho kadi dhup ya ho neela asmaan....
chalna sikhaati hai ye jindagi....

jaisi bhi hai, hai to humaaari jindagi....

kai baar lagta hai...

kai baar lagta hai... 
jaise ki kaphi kuch naya hai...par badla kuch khaas nahi hua hai... 
lagta hai sadio dur chale aaye ....lekin pal aur shama wahi ka waha hai... 
thak gayi hai taange chal chal ke... par manjil aur kaaphila wahi ka waha hai...

kai baar lagta hai... 
badla hai jamana... bhale badale ho hum aur jamana wahi ka waha hai...

baarish aise to khud hi apne mein khaaas hoti hai...

baarish aise to khud hi apne mein khaaas hoti hai... 
saath mein chaai pakaudi mil jaaye to kya kehna... 
bheegne ka maja to alag hai hi.... 
paani mein chapak chapaak karne mil jaaye to waah kya kehna... 
kagaj ke naav banakar bahane mil jaaye to kya kehna... 
lambi drive pe khali road aur gaadi bhagane mil jaaye to kya kehna.... 
baarish ki boondo se garmi mein rahat mil jaaye to kya kehna...
baarish aise to khud hi apne aap mein khaas hoti hai...

par itni mauj masti and bheenge ke baad bhi...
sardi nahi lag jaaye to kya kehna... !!!!!

bita hua pal laut ke nahi aaata...

bita hua pal laut ke nahi aaata... 
to palo ko sambhaal kar rakhna to banta hai naa... !!!
manjil dur dikhti hai to kya hua... 
thoda thawas rakhkar chala to jaa sakta hai naa!!

palo ko bikher kar kya rakhna...
thoda palo ko samet kar bhi to rakha jaa sakta hai naa!!!
yadeein piche taan bhi le to kya... 
yaadoien ke sahare aagey bhi to bada jaa sakta hai naa... !!!

waqt bhale hi kam kyu naa ho...
phir bhi kami ko pura kia jaa sakta hai naa.... !!!!!
rone ki wajah bhale kitni bhi kyu naa ho....
thoda bahut to hasa jaa sakta hai naaa!!!!!

kuch sapno ko takiye ke niche chipa rakha tha...

kuch sapno ko takiye ke niche chipa rakha tha... 
apni najar naa lag jaaye is liye dur kone mein daba rakha tha... 
roz sochta tha aaj nahi phir kabhi... 
is kadar naye sapno ko bhi sadio se saja rakha tha... 
naa jaane kyu apne hi sapno ko paraye bana rakha tha.... !!!

par sapne apne hai, najre churaaane se thode naa kaam chalega...
unhe pura karne ke liye thoda jatan to karna hi padega... !!!

hasi kisi kaaran ki mohtaaj nahi hoti...

hasi kisi kaaran ki mohtaaj nahi hoti... 
aisa nahi ki jivan mein koi raaj nahi hoti... 
bichad gaye kisi mor pe agar... 
to jaruri nahi ki phir mulakaat nahi hoti... !!

maana mushkil ghadi mein kai baar kisi ki sath nahi hoti...,
dara hua ho man par himmat paas nahi hoti... 
planning to karna hi hoga, kyunki har badalta pal ittefaaq nahi hoti!!
has lo yuhi kabhi kabhi bin karan ke bhi... !!!
hansi kisi karan ke mohtaaj nahi hoti... !!!!!!!!

kabhi idhar... kabhi udhar...

kabhi idhar... kabhi udhar... 
itna confused kyu hai ki jaana kidhar... 
yu raahe badalte tu kab tak chalega... 
yun manjil samajhte tu kab tak jiyega....!!!
ruk kar soch le... puch kar dekh le... 
yuhi pal bitate tu kab tak chalega... 
koi bhi dhun gungunaate tu kab tak chalega... !!!

kuch na sulzhe puhluo pe jyada gaur mat kar tu...

kuch na sulzhe puhluo pe jyada gaur mat kar tu...
kyunki aur ulaz jaayega tu..

lekin sochne waali baat hai ki.... 
aaj ka kaam kal pe... kal ka parso pe kitna latkaayega tu.... 
kitna bhi bhaag le...bach ke kaha bhaag payega....!!!

bin puche raaste mein naa chal tu...
raasta bhatak jaayega tu....

daaraaye bhale saaara jamana har pal agar tujhe....
darpok thode naa hai ki har baat pe dar jaayega tu......!!!

(sun sabki... kar apni.... )

expression!!

expression!!

a few words of encouragement ... 
means a lot at times... 
simple words will do.. 
its not compulsory for flowery language... 
even a smile no matter how hidden can create a flutter...
one dont expect a standing ovation every time... 
but a pat on the back ... 
can do wonders at times...

bas uhi

bas yuhi...kuch jahan mein aya ...kah dia...

bas uhi...
itefaaq ki baat hai...
ki hona kuch hota hai... hota kuch aur hai... 
kehna kuch chahte hai... aur samajhta kuch aur hai...
sapno ki dunia maana khubsurat ho sakti hai... 
par kuch bhi kah lo haqiqat ki baat hi kuch aur hoti hai.... !!!

badal ko nahi pata hota hai ki kaha barasna hai...

badal ko nahi pata hota hai ki kaha barasna hai... 
sayad is liye kabhi baad and kahi sukha pad jaaata hai...
taaro ko nahi pata hota hai ki kaha chamakna hai...
tabhi to kahi khub ujala kabhi ganghor andhera chaa jaata hai... !!

different yet connected:
bin patey ke chitti bhi sandesh pahuchaaye to pahuchaaye kaise... 
sochte hai ki bin kaaran kein koi muskuraaye to muskuraaye kaise...!!
kahne aur karne ke fark ko mitaaye to mitaaye kaise.... .
sach pe se jooth ka parda uthaaye to uthaaye kaise.... !!!

walking on the other side...

walking on the other side... 
a path less taken...a path less used too...
a path not much talked about... 
a journey with new twists and turns... 
its fun to swing away from the habit... 
n take a sudden plunge in a new orbit!!
it is a bit crazy ... but life without fun is at times hazy...
its good to change for a while... 
and walk a mile with a smile on the other side.....!!!

(grass on the other side looks greener... and its no harm to check the same and also to see how our side grass looks from other side... !!))

jindagi ke pahluo ko aakhir koi kitna tatole....

jindagi ke pahluo ko aakhir koi kitna tatole....
sone ke sikke bhi utna hi khanakte hai... jitna taambe ke...

sitaare to maana bahut chamakte hai asmaan mein... 
par dhara pe...roshan to jugnoo aur baati bhi khub kiya karte hai........

sochoge tum kitna aaney waaale palo ke baarein mein...
yaha to pal pal mein sadia badal jaaya karte hai....

man kaisa bhi vichalit saa hi kyu naa ho...
muskura kar sab gam ko bhagaya karte hai...

hasne ki wajah nahi dhundaa karte hai log....
yaha to hasne ki wajah banaya karte hai....!!!

tu dar mat...

tu dar mat...
kyunki dar ke aagey jeet hai...
kyunki jeevan ka yahi reet hai...
ki haar gaya to kya haar ke baad bhi jeet hai...

tu dar mat... 
kyunki kahte hai ya yu kahlo ...
somebody says jo dar gaya so mar gaya ...
to add on someone seconded darna mana hai...

tu dar mat ...
bhale koi kitna kahe ki darna jaruri hai...
bhale teri kitni bhi majboori hai...
tu dar mat ....

tu dar mat
kyunki ab dur gaao mein koi gabbar nahi..
rahte hai bahut giddar bhale...
par tu bhi to koi kam bada sher nahi...
tu dar mat...

tu dar mat...
raat thodi badi hai to kya hua...
andhere ki bhi apni majboori hai to kya hua...
sunshaan pad rahi sadke hai to kya hua...
tu dar mat...

bhale tere paas pine ko dew naa ho...
phir bhi tu dar mat...
bhale log kahe ki tere sir mein screw naa ho...
tab bhi tu dar mat...

rakh hausla buland...
kuch bhi ho jaaye ...
manjil bhale do pal ke liye aakhoien se ojhal ho jaaye...
bhale kuch pal ke liye tu raasta bhul jaaye...
magar tu dar mat...

hey please comeon ... tujhpe hai itna bharosa sabko aur tujhko bhi..
dar mat... dar mat ... dar mat!!!!!